Gadhdhoo Online: ތިންއަށެއްފާހަގަ ކުރުމުގެ ގޮތުން ގައްދޫ ޒުވާނުންގެ މެދުގައި އެކުވެރިކަމުގެ ފުޓްބޯލް މެޗެއް ކުޅެފި.

ތިންއަށެއްފާހަގަ ކުރުމުގެ ގޮތުން ގައްދޫ
ޒުވާނުންގެ މެދުގައި އެކުވެރިކަމުގެ
ފުޓްބޯލް މެޗެއް ކުޅެފި.
================================================================================
Solih Ahmed on 09 August, 2008 04:05:00
 
ތިންއަށެއް ފާހަގަ ކުރުމުގެ ގޮތުން ގައްދޫގެ
ޒުވާނުންގެ ތެރެއިން 26 އަހަރުން މަތީގެ
ޒުވާނުންނާއި 26 އަހަރުން ދަށުގެ
ޒުވާނުންނާއި ދެމެދު އެކުވެރިކަމުގެ
ފުޓްބޯޅަ މެޗެއް މިއަދު ބާއްވައިފިއެވެ. 26
އަހަރުން ދަށުގެ ޒުވާނުން އިންތިޒާމުކުރި މި
ފުޓްބޯލް މެޗުގެ ޝަރަފުވެރި
ކޮށްދެއްވާފައިވަނީ ގައްދޫ ކަތީބު
އިސްމާއީލް ޝަމީމު އެވެ. ޝަމީމުގެ
ވާހަކަފުޅުގައި  މި މެޗު ކުޅެވެނީ ވަރަށް
ތާރީޚީ ދުވަހެއްގައި ކަމަށް
ފާހަގަކުރެއްވިއެވެ.
"މިއަދަކީ ދުނިޔޭގެ އޮލިމްޕިކް ކުޅިވަރު
ޗައިނާގެ ބީޖިންގގައި ފެށިދުވަސް. މިއަދު
ހަތަރެއްޖެހިއިރު އޮލިމްޕިކު
ކުޅިވަރުފެށުނީ. އަޅުގަނޑުމެންގެ
މިމެޗުވެސް މިފެށީހަމަ އެވަގުތުގައި.
ޒުވާނުން މިފަދަ މުނާސަބު ވަގުތަކާއި
ދިމާކޮށް އެކުވެރިކަމުގެ ފުޓުބޯލް މެޗެއް
ރޭވިކަމީ ޒުވާނުންގެ ހިތްތަކުގައި
ކުޅިވަރަށް ދެވިފައިވާ މަގާމުގެ
މަތިވެރިކަން. އަދި   މިފަދަ މެޗްތަކުން
ހާމަވެގެންދަނީ ޒުވާނުންގެ ތެރޭގައި އޮންނަ
ގުޅުންތެރިކަމާއި އެއްބައިވަންތަކަން.
ކުޅިވަރުގެ ރޫހާއި އެއްގޮތަށް ގައްދޫގެ
ޒުވާނުން އިސްނަގައިގެން ކުޅޭ ކޮންމެ
ކުޅިވަވަރަކަށް ގައްދޫ އޮފީހުގެ
އެހީތެރިކަމާއި އެއްބާރުލުން ލިބޭނެކަމުގެ
ޔަގީންކަން ދެން." ކަތީބު ޝަމީމު
ވިދާޅުވިއެވެ
08/08/2008 ގައި ބޭއްވުނު މިމެޗު ކުޅުނު ދެޓީމަށް
އިނާމު ހުށަހަޅުއްވާފައިވަނީ  ގައްދޫ
އޮފީހުގެފަރާތުންނެވެ.  މިމެޗް ހަތަރެއް
ދޭކުން ކާމިޔާބްކުރީ 26 އަހަރުން ދަށުގެ
ޓީމެވެ.