ގައްދު އަށް މަސްތުވާތަކެތި އެތެރެކުރަން އުޅުނު ބަޔަކު ހައްޔަރު ކޮށްފި

ގައްދުއަށް އެތެރެކުރުމަށް މަސައްކަތްކުރި ދެ ބްލެޓާއި ރަބަރު ޕަކެޓް

މިތަކެތި އެތެރެކުރަން މަސައްކަތް ކޮށްފައިވަނީ ބިސްކޯދު ޑަބިޔަލެއްގެ ތެރެއަށް ލައިގެން ކަމަށްވޭ.

ގދ. ގައްދު އަށް މަސްތުވާ ތަކެތި އެތެރެކުރަން އުޅުނުބައެއް ހައްޔަރު ކޮށްފައިވާ ކަމަށް ޚަބަރު ލިބިއްޖެއެވެ. މިގޮތުން ހައްޔަރު ކޮށްފައިވާ ދެމީހުންނަކީ ގދ.ގައްދޫ މާލިލީގެ އުމުރުން 22 އަހަރުގެ އަލީ ހަމީދާއި ގދ. ގައްދޫ ފިޔާތޮށިގެ އުމުރުން 30 އަހަރުގެ އަހުމަދު ހަސަން ކަމަށްވެއެވެ.

މޯލްޑިވްސް ޕްލިސް ސަރވިސް އިން ވިދާޅުވާ ގޮތުގައި މި ދެމީހުން ހައްޔަރު ކޮށްފައިވަނީ މާލެއިން ގައްދުއަށް ފުރައިގެން އަންނަ ބޯޓެއްގައި ބިސްކޯދު ޑަބިޔަލެއްގެ ތެރެއަށް މަސްތުވާތަކެތި އަޅައިގެން އަންނަކަމުގެ މައުލޫމާތު ފުލުހުންނަށް ލިބުމާއި ގުޅިގެން މިދިޔަ ހުކުރު ދުވަހުގެ ހަވީރުގެ ވަގުތެއްގައި މިބޯޓް ގދ.ގައްދުއަށް ގޮސް މިބޯޓުން ބިސްކޯދު ޑަބިޔާ ބޭލުމަށްފަހު ޖެޓީމަތީގައި ބަހައްޓާފައި ހުއްޓާ މިދެމީހުން ގޮސް ބިސްކޯދު ޑަބިޔާ ގެންދަން އުޅުމުން ފުލުހުންގެ ބެލުމުގެ ދަށަށް މި ބިސްކޯދު ޑަބިޔާ ގެނެސްގެން ޗެކް ކުރިއިރު މި ޑަބިޔާގެ ތެރެއިން މަސްތުވާ ތަކެތި ފެނުމުންނެވެ.

މިގޮތުން މި ޑަބިޔާގެ ތެރެއިން މަސްތުވާ ތަކެތި ކަމަށް ބެލެވޭ ރަބަރު ޕެކެޓަކާއި އިންސްލޭޝަން ޓޭޕް އަޅާ ބަންދުކޮށްފައިއިން 2 ބުލެޓް ފެނިފައިވާ ކަމަށް ވެއެވެ.

މިމައްސަލަ މިހާރު ގދ.ތިނަދޫ ޕޮލިސްސްޓޭޝަނާއި މޯލްޑިވްސް ޕޮލިސް ސަރވިސްގެ ކްރިމިނަލް އިންވެސްޓިގޭޝަން ޑިޕަރޓްމެންޓް ގުޅިގެން ތަހްގީގް ކުރައްވަމުން ދާކަމަށްވެސް އެފަރާތުން ވިދާޅުވެފައިވެއެވެ.