ގައްދޫ ހުކުރު މިސްކިތުގެ ގޯތިތެރޭގައި ގާއަތުރައިފި
މިފަހަރު މިސްކިތުގެ ގޯތިތެރޭގައި ގާއެތުރުމަށް ނިންމީ ކަށިވެލިނުލިބުމުގެ ސަބަބުން ކަމަށްވޭ.
ގައްދޫ ހުކުރު މިސްކިތު ކުރިމަތީގައި ގާއަތުރަން ފަށައިފިއެވެ. މިފަހަރު ގާއަތުރާގޮތަށް ހަމަޖެއްސެވީ، އެތަނަނަށް އަޅާނެ އޮށްވެލި ނުލިބިގެން ކަމަށް ރަށު އޮފީހުން ވިދާޅުވިއެވެ.
"މީގެކުރިން މިސްކިތުގެ ގޯތިތެރެއަށް ކޮންމެ އަހަރަކު ރޯދައަށް ވެލި އަޅަމުން އަންނަނީ. ނަމަވެސް މިފަރު ވެލި ލިބުންދަތިވީ. އެހެންވެ ގިނަދުވަހަށް ވެލި އަޅަން ނުޖެހޭ ގޮތަށް މިހަމަޖެއްސީ. އެހެންނޫންނަމަ މިފަހަރު މިސްކިތު ގޯތިތެރެއަށް ހުންނާނީ ވެލިނާޅާ. މިކަން ކުރަން ކުރިންވެސް އޮތީ ވިސްނިފައި. ނަމަވެސް ރޯދަމަހާއި ކައިރިކޮށްފައި ގާ މިއެޅީ. މިސްކިތު ގޯތި ތެރެއަށް ގާއެޅުމުގެ ހުރިހާ ޚަރަދެއް ކުރީ ރަށު އޮފީހުން ބަޔަކާއި ހަވާލު ކޮށްގެން." ކަތީބު ވިދާޅުވިއެވެ.
ކަތީބު އިތުރަށް ވިދާޅުވިގޮތުގައި އަދިމީގެ ހައެއްކަދުވަސްފަހުން އެތާގެ ގާތަކުގެ މަތީގައި ދަވާދުލާނެކަމަށާއި ގިނަދުވަސްވަންދެއް ދެމިއޮންނަ ގޮތަކީ ގާ އެޅުންކަމަށްވާތީ މިފަހަރު އެކަންކުރީކަމަށެވެ. އަދި މިއީ ރަމްޟާންމަހަށް މިސްކިތް ޒީނަތްތެރިކުރުމުގެ އިތުރުން މިސްކިތަށް އަރާފައިބާ މީހުންނަށްވެސް ވަރަށްބޮޑުފަސޭހަކަށްވާނެކަމެއްކަމަށް ކަތީބު ވިދާޅުވިއެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ