ބައިތައް

ނިއުސް ލެޓަރ

ފުރަތަމަ ސަފްހާ | ޚަބަރު | ޑރ. ހަސަން ސައީދު ކެމްޕެއިން ދަތުރުފުޅެއްގައި ގައްދުއަށް ވަޑައިގެންފި

ޑރ. ހަސަން ސައީދު ކެމްޕެއިން ދަތުރުފުޅެއްގައި ގައްދުއަށް ވަޑައިގެންފި

13 July, 2008 01:37:00 fanditha

ފޮންޓް ސައިޒް:

ޑރ. ހަސަން ސައީދު ރައްޔިތުންނާއި ބައްދަލުކުރައްވައި ވާހަކަފުޅު ދައްކަވަނީ.

ޑރ. ހަސަން ސައީދާއި އެކު ޑރ. ޖަމީލާއި ޑރ. ޝަހީދު ވަޑައިގެންނެވި

އަންނަ ރިޔާސީއިންތިޚާބަށް ކުރިމަތި ލައްވާފައިވާ ކެންޑިޑޭޓުންގެ ތެރެއިން އެއްބޭފުޅެއް ކަމުގައިވާ ޑރ. ހަސަން ސައީދާއި އެމަނިކުފާނުގެ ނިއު މޯލްޑިވްސް ޓީމް، ކެމްޕެއިން ދަތުރުފުޅެއްގައި މިއަދު މެންދުރު 12 ޖަހާކަންހާއިރު ގައްދުއަށް ވަޑައިގެންފިއެވެ.

މިގޮތުން އެމަނިކުފާނުވަނީ ގައްދޫ އަމީރު އަހުމަދު މަގުގައި ރައްޔިތުންނާއި ބައްދަލުކުރައްވާ ވާހަކަފުޅު ދައްކަވާފައެވެ. އެވަގުތަކީ ފުދޭ ވަރަކަށް ބޮޑަށް ވާރޭ ވެހެމުން ދިޔަ ވަގުތެއްކަމަށް ވީނަމަވެސް ގިނަ އަދަދެއްގެ ރައްޔިތުން އެމަނިކުފާނުގެ ވާހަކަފުޅު އަޑުއެއްސެވުމަށް ވަޑައިގެންނެވި ކަން ފާހަގަ ކޮށްލެވެއެވެ.

ރައްޔިތުންނާއި ބައްދަލުކުރައްވައިދެއްކި ވާހަކަފުޅުގައި އެމަނިކުފާން ރާއްޖޭގެ ރައީސް ކަމަށް ހޮއްވަވައިފިނަމަ ރައްޔިތުންގެ ހެވާއި ލާބައަށްޓަކައި ކޮށްދެއްވާނެކަމަށް މެނިފެސްޓޯގައިވާ ކަންތައް ތަކުގެ ތަފްސީލް ރައްޔިތުންނަށް އޮޅުންފިލުއްވައި ދެއްވެވިއެވެ. މިބައްދަލުވުން ވާރޭގެ ސަބަބުން މާރަނގަޅަކަށް ކުރިއަށް ދަގޮތް ނުވުމުގެ ސަބަބުން ކައިރި މުސްތަގްބަލެއްގައި އެމަނިކުފާނު ގައްދުއަށް ވަޑައިގެންދެއްވުމަށް އެދި ބައްދަލުވުމުގެ ބައިވެރިން ދައުވަތު ދެއްވެވިއެވެ. އަދި މިދައުވަތު އެމަނިކުފާނު ގަބޫލުފުޅު ކުރައްވައި ވަރަށް އަވަސް މުސްތަގްބަލެއްގައި ގައްދުއަށްއަދި ދަތުރުފުޅެއްކުރައްވާނެކަމަށް ވިދާޅުވިއެވެ.

ޑރ. ހަސަން ސައީދަކީ މިހާތަނަށް ގައްދޫގެ ގިނަބައެއްގެ ތާއީދު އޮތްބޭފުޅެއްކަން ޚިޔާލު ހޯދުންތަކުން ދައްކައެވެ.

މި ބައްދަލުވުމުގެ އޯޑިއޯ އައްސަވާ ލައްވާ!

ފުރަތަމަ ބައި

ދެވަނަ ބައި

ކޮމެންޓްސް (9 ލިބިއްޖެ):

25 July, 2008 07:35:28

ޑރ. ހަސަން މާލެ ވަޑައިގެންނެވުމަށްފަހު ވިދާޅުވީ ގައްދޫގެ ރައްޔިތުންގެ ތާއީދު އޮތީ ކޮންފަރާތަކަށް ކަމެއް އެގިވަޑައި ނުގެންނެވިއަސް ، ހަސަންއަށް އެގޭ އެކައްޗަކީ ގައްދޫ ރައްޔިތުންނަކީ ނަމޫނާ ރީތި ސިފަތަކެއްހުރި އަދި މުޅިއަތޮޅަށް ބެލިކަމުގައިވިޔަސް ވަރަށް މެޗުއަރޑް ސޮސައިޓީ އެއްކަމުގައެވެ.

17 July, 2008 12:16:08

ވެރިކަމަށް ކުރިމަތި ލައްވާނެ ކަމަށް އިއުލާން ކުރަށްވާފައިވާ ބޭފުޅުންގެ ތެރެއިން އެންމެ ޤާބިލް ބޭފުޅަކީ ޑރ.ހަސަން ސަޢީދު. އަޅުގަނޑަށް ހަސަން ސައީދު އަރިހުގަ އާއި ޖަމީލް އަރިހުގަ މަސައްކަތް ކޮށްލުމުގެ ފުރުސަތުލިބުނު. އަޅުގަނޑަށް ފާހަގަ ކޮށްލެވުނުކަމަކީ ޑރ. ހަސަނަކީ ކުރަންބޭނުންވާކަމެއް ބޭނުންވާގޮތަށް ނިންމަން ބޭނުންވާބޭފުޅެއް. ވަކިމީހަކަށް ބައްލަވާ ބޭފުޅެއްނޫން. ޑރ.ޖަމީލަކީ ވެސް ހަމައެފަދަ ބޭފުޅެއް. ޙާއްސަކޮށް ތައުލީމަށް އިސްކަންދެއްވާ ބޭފުޅެއް. އެބޭފުޅުން މިހާރުގެ ވެރިކަމުން ބޭރުވެލެއްވި އެބޭފުޅުންގެންނަވަން ބޭނުންވި ބަދަލުތައް ސަރުކާރުން ނުގެނައުމުން. އަޅުގަނޑު އުއްމީދުކުރަނީ ގައްދޫގެ ރައްޔިތުން އަޅުގަނޑުމެންގެ މުސްތަގުބަލުގެ ޖީލަށްޓަކައި ވިސްނާވަޑައިގެން ވޯޓުދެއްވާނެކަމަށް. ވޯޓު ދެއްވާއިރު މޫނަށް، އަޚާއަށް ނުބައްލަވާ، ކުރިމަގަށް ވިސްނެވުމަށް ފަހު ފާހަގަ ޖައްސަވާ.ޤާބިލް ބޭފުޅާއަށް ވޯޓު ދެއްވާ

16 July, 2008 05:56:34

އަޅުގަނޑުމެންގެ ރަށުމީހުންނަކީ ރީތި ލަވައެއް އިވޭއިރަށް އެލަވައަކަށް ނަށާބައެއްކަން އަޅުގަނޑުމެންނަށް މާކުރިންވެސް އެނގޭ.... ނަމަވެސް އަބަދަކު ތިއުސޫލް ގެންގުޅެގެން ކަމަކުނުދާނެ. ހޭލައިފީމޭބުނެ ދެލޯމަރައިން ތިއްބަކަސް މިކުރަންއުޅޭ ކަމެއްގެ ފޮނިމޭވާއެއް ނުކެވޭނެ." ޝިރޭ"

14 July, 2008 01:39:39

މި ވަގުތު ރިޔާސީ އިންތިޚާބަށް ކުރިމަތިލައްވާނޭ ކަމަށް ވިދާޅުވެފައިވާ ބޭފުޅުންގެ ތެރެއިން، ރާއްޖެ މިހާރު ދިމާވެފައިވާ އަދި ދިމާވަމުންދާ ކަންތައްތަކުން ރާއްޖެ ސަލާމަތުގެ އައްސޭރިއަކަށް ގެންދިޔުމަށް އެންމް ޤާބިލް ބޭފުޅަކީ ޑރ. ހަސަން ސަޢީދު ކަމާއި މެދަކު ޝައްކެއްނެތް.

14 July, 2008 01:26:30

ބެލެނިވެރިންނަކީ މީހުންނެއް ނޫން ދޯ ބޭފުޅާ؟ ޑރ.ހަސަންގެ ވާހަކަ އަޑުއަހަން ބަޔަކު ދިޔަޔަސް ނުދިޔަސް،ކޮންމެ ދިވެހި ރައްޔިތަކުވެސް ވިސްނަންޖެހޭނީ މިގައުމުގެ މިއަދުގެ ހާލަތަށް،ދަރިންގެ މުސްތަގުބަލަށް،ވޯޓުދޭންވާނީ އެންމެ ގާބިލު ފަރާތަކަށް، މިއީ ވަރަށް ވަރަށް ބޮޑު އަމާނާތެއް، މިއަށް ޚިޔާނާތްތެރި ނުވާތި، މިއީ އަހަރެމެންނާއި ދަރިންގެ މުސްތަގުބަލު

14 July, 2008 09:30:54

ރައީސް މައުމޫނުގެ ޕޮލިސީ އެއްގޮތަކައް ވެސް ކަމަކު ނުދޭ. އިސްލާމް ދީން ހިމާޔަތް ކުރުމަށް އެއްވެސް ކަމެއް ނުކުރެޔޭ ބުންޏަސް ދޮގަކައް ނުވާނެ. މޮޅު ވާހަކަ ތަކެއް ދެއްކިޔަސް ނުފުދޭނެ. މިހާރު ދިވެހިން ވެއްޖެ ދޯ އަމިއްލަ ސިކުޑިން ވިސްނަން. ސަރުކާރު ގަ އުޅޭ ގިނަ މީހުން ތިބެނީ ކޮރަޕްޝަނައް ގޮސްސަ ހުސްވެފަ. މިހެން ބުނަން ޖެހޭތީ ދެރަވެސްވޭ. / ފަޒްނާ

14 July, 2008 08:06:40

ތިހެން އުޅެފައިވެސް މައުމޫން ގައްދުއަށް ވަޑައި ގަތީމާ ކަންތައް ބަދަލުވެގެން ދާނެ. އެއިރުން މައުމޫންގެ ސަރުކާރުން ކޮއްނުދީހުރިކަންތައް ހަދާން ނެތޭނެ. މައުމޫނަށް ސަނާކިޔާފައި ފޮތިދަމާތި. [ހަންޖަރު]

14 July, 2008 07:23:40

ސޯލިހުމެން އަދިވެސް ތަސައްރަފެއް ނުފުދެއްވެ. އެތަނުގައި ތިބީ ސްކޫލުދޮށަށް ކުދިން ބަލައިދިޔަ 20 ސަކަށް ބެލެނެވެރިންނާއި، ޑރ. ހަސަނުމެންގެ އަރިހުގައި އުޅުނު 10ވަރަކަށް މީހުންނާއިކު ގާތްގަޑަކަށް 30 މީހުންނެވެ. އަތިތިޔަބުނީ ފުދޭވަރަކަށް ވާރޭވެސް ވެހެމުން ދިޔަ ވާހަކަ، ޑރ. ހަސަނު ވާހަކަ ދައްކަން ފެށިފަހުން ކުޑަކޮށް ވާރޭކަނި ޖަހާލި އެކަމަކު އެއީ މާބޮޑަކަށް ވާރޭވެހުނީކީނޫންދޯ. ރައްޔިތެއް

14 July, 2008 06:43:06

ތިފޮޓޯގައި އެވަނީ ކޮން ގެއެއްގެ ކައިރީ ނަގާފައިވާ ފޮޓޯއެއްތަ؟

ޖުމްލަ: 9 | ތިޔަ ފެނިވަޑައިގަންނަވަނީ: 1 - 9