ގައުމީ އިއްތިހާދު އުފެއްދުމަށްޓަކައި މެމްބަރުން ހޯއްދެވުމަށް ޑރ. ވަހީދު ގައްދު އަށް ވަޑައިގެންފި
ޑރ. މުހައްމަދު ވަހީދު ހަސަން މަނިކު
ޑރ. ވަހީދާއި އެކު ޑރ. މުސްތަފާ ލުތުފީވެސް ގައްދުއަށް ވަޑައިގެންނެވި ކަމަށްވޭ.
ގައުމީ އިއްތިހާދުގެ ނަމުގައި ޑރ. ވަހީދު އުފެއްދުމަށް މަސައްކަތް ކުރައްވަމުންދާ ޕާޓީ އަށް މެމްބަރުން ހޯދުމުގެ ގޮތުން ކުރައްވާ ދަތުރުފުޅެއްގައި ޑރ މުހައްމަދު ވަހީދު ހުސައިން މަނިކު ގައްދުއަށް ވަޑައިގެންފިއެވެ.
މިގޮތުން ގައްދޫގެ ބައެއް ރައްޔިތުންގެ އިސްނެގުމުގެ މަތިން ރޭގެ ވަގުތެއްގައި ގދ. ގައްދޫ ރަންތަރި ގޭގައި ވަނީ އެފަރާތުން ދައުވަތު ދީފައިވާ ބައެއް ފަރާތްތަކާއި އެކު ބައްދަލުވުމެއް ބާއްވައިފައެވެ. މިބައްދަލުވުމުގައި ގައުމީ އިއްތިހާދު ގެ ނަމުގައި ޕާޓީ އެއް އުފެއްދުމަށް މަސައްކަތް ކުރުމުގެ މަގުސަދާއި ބެހޭގޮތުން ބައްދަލުވުމުގެ ބައިވެރީންނަށް މައުލޫމާތު ދެއްވުމުގެ އިތުރުން ބައިވެރިންކުރި ބައެއް ސުވާލުތަކަށް ވެސް ޑރ މުހައްމަދު ވަހީދު ހަސަންމަނިކު ޖަވާބު ދެއްވެވިއެވެ.
ޑރ. ވަހީދު ވިދާޅުވި ގޮތުގައި ރާއްޖޭގެ ރައީސުލް ޖުމްހޫރިއްޔާ ކަމުގެ މަގާމަށް ވަޑައިގެންނެވުމުގެ ފުރުސަތު ލިބިވަޑައިގެންފިނަމަ މިހާރު މައްސަލަތައް ދިމާވެފައިވާ ދާއިރާތައް ރަނގަޅުކުރުމަށްޓަކައި 5 އަހަރު ދުވަހުގެ ތެރޭގައި ހަރުދަނާ ބިންގަލެއް އަޅުއްވައިދެއްވާނެކަމަށް ވިދާޅުވެފައި ވެއެވެ.
ޑރ ވަހީދާއި އެކު މިދަތުރުގައި ޑރ. މުސްތަފާ ލުތުފީ އަދި ރައްޔިތުންގެ ޚާއްސަ މަޖިލިހުގެ އދ. މެމްބަރު އިލްޔާސް ހުސެއިން ބައިވެރިވެ ވަޑައިގެންނެވިއެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ