ގައްދޫގެ ރިވެޓްމެންޓް ޖެހުމަށް ބޭނުންވާ ގާތައް ގެންނަން ފަށައިފި
ރިވެޓްމެންޓް ޖެހުމަށް ބޭނުންވާ ގާތައް ބަނދަރު ސަރަހައްދުގައި.
ފުރަތަމަ ބުރުގައި 3000 ގާވަނީ ގައްދުއަށް ގެނެސްފައި.
ގައްދޫގެ ބިންހިއްކުމުގެ މަސައްކަތުގެ ތެރޭގައި ހިމެނޭ ރިވެޓްމެންޓް ޖެހުމުގެ މަސައްކަތް ކުރުމަށް ބޭނުންވާ ގާތައް ގައްދުއަށް ގެންނަން ފަށައިފިއެވެ. މިގޮތުން ރިވެޓްމެންޓް ޖެހުމަށް ބޭނުންވާ ސާޅީސް ދެހާސް ގަލުގެ ތެރެއިން ތިންހާސް ގާ ހިފައިގެން ބާޖެއްވަނީ ގައްދޫގެ ބަދަރަށް އައިސްފައެވެ. ބާޖަށް ފަހަރަކު ލޯޑް ކުރެވެނީ 3000 ގާ ކަމަށް އެނގިފައިވެއެވެ.
މިއަދު ހެނދުނު ގައްދޫ އަށް ބަނދަރުކުރި މިބާޖުން ގާ ބޭލުމުގެ މަސައްކަތް މިހާރުވަނީ ފަށާފައެވެ. މިކަމުގެ އިތުރު ތަފްސީލް ހޯދާލުމަށްޓަކައި ގައްދޫގެ ރިވެޓްމެންޓް ޖެހުމަށްބޭނުންވާ ގާ އެތުރުމުގެ މަސައްކަތާއި ހަވާލުވެހުންނެވި ގައްދޫ ގައުމާތުގެ މުހަންމަދު ރަޝީދު އާއި ގުޅަންކުރި މަސައްކަތް ފޯނަށް ޖަވާބު ނުދިނުމުގެ ސަބަބުން ވަނީ ނާކާމިޔާބު ވެފައެވެ.
އަދި މިކަމާއި ބެހޭގޮތުން ގައްދޫ ކަތީބު އިސްމާއީލް ޝަމީމު އާއި ގުޅާލުމުން ވިދާޅުވީ އޭނާ އަށްވެސް އަދިމިހާތަނަށް މާ ބޮޑު މައުލޫމާތެއް ލިބިފައިނުވާ ކަމަށާއި، ރިވެޓްމެންޓް ޖެހުމާއި ބެހޭ މައުލޫމާތު އިރާދަކުރެއްވިއްޔާ މާދަމާ ހިސާބުގައި ލިބޭނެކަމަށާއި އެއިރުން ތަފްސީލްކޮށް ދޭނެކަމަށެވެ
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ