ގައްދޫ ފެހިކުރުމާއިބެހޭ ޕްލޭނެއް އެކުލަވާލައިފި
ގައްދޫ ފެހިކުރުމާއިބެހޭ ޕްލޭން
ރަފްޓާ ޕްރޮޖެކްޓްގެ ދަށުން ހިންގުމަށް ހަމަޖެހިފައިވާ މި މަސައްކަތުގެ ޕްލޭން ތައްޔާރުކޮށްފައިވަނީ ބޭރުގެ ކޮންސަލްޓެންޓެއް.
ރަފްޓާ ޕްރޮޖެކްޓްގެ ދަށުން ގައްދޫ ގްރީނިން ޕްލޭން ނުވަތަ ގައްދޫ ފެހިކުރުމާއި ބެހޭ ޕްލޭނެއް އެކުލަވާލައްވައިފިއެވެ. މިޕްލޭން ތައްޔާރުކުރައްވާފައިވަނީ ކަމުގެ ތަޖްރިބާ ކާރު ބޭފުޅެއްކަމުގައިވާ ޑރ. މަސަބަތްލާ ސުރަޔާ ޕްރަކާޝް އެވެ.
ގައްދޫ ފެހި ކުރުމާއިބެހޭ ޕްލޭނެއް އެކުލަވާލުމުގެ މައިގަނޑުބޭނުމަކީ ހުޅަނގުމޫސުމުގެ ގަދަވައިން ގެދޮރުސަލާމަތް ކުރުމާއި، ރަށުގެ ތެރެއަށްކުރާ ލޮނުގެ އަސަރު ވީހާވެސް ބޮޑަށް ކުޑަކުރުމާއި، ތިމާވެށި ރައްކާތެރިކުރުމަށް އެހީވުމާއި، އަދި ރަށުގެ މަލަމަތި ރީތިކުރުމެވެ. މީގެ އިތުރުން މޭވާލިބޭގަހާއި ލަކުޑީގެ ގޮތުގައި ބޭނުންކުރެވޭގަސްތައް ހެއްދުންވެސް މިމަގްސަދުގެ ތެރޭގައި ހިމެނެއެވެ.
މި ޕްލޭންގައި ހިމެނޭ ބަފަރ ޒޯން ސަރަހައްދުގައި ކައިރިކައިރީގައި ފިތިރޯނު ގަސް ހެއްދުމަށް ޕްލޭންކުރެވިފައިވާއިރު، އެންވަޔަރމެންޓަލް ޕްރޮޓެކްޝަން ޒޯންގައި ހައްދާގޮތަށް ހަމަޖެހިފައިވަނީ ތަފާތު ރުކުގެ ބާވަތްތަކެވެ. މީގެ އިތުރުން މިޕްލޭންގައި ހިމެނޭ ގްރީން ޒޯނުގައި ތަފާތު ލަކުޑީގެ ބާވަތްތަކާއި، މޭގަސް އަދި މާމެލާމެލީގެ ގަސްތައް ހެއްދުމަށް ހަމަޖެހިފައިވެއެވެ. އަދި މީގެ އިތުރަށް ގޭގޭގައި ތަފާތު އާމްދަނީލިބޭނޭ ތަފާތު މޭވާފަސްތައް ހެއްދުމަށްވެސް ޕްލޭންކުރެވިފައިވެއެވެ.
މިޕްލޭނުގެ ދަށުން 15 މީޓަރަށްވުރެ ފުޅާމަގުތަކުގެ މެދުގައި ތަފާތު ހިޔާދޭގަސްތައްހެއްދުމަށް ޕްލޭންކޮށްފައިވެއެވެ. މިގޮތުން ބޮޑެތިމަގުތަކުގެ މެދުގައި ގަސްތައްއިންދުމުގެ ސަބަބުން ދުއްވާތަކެތިންއާންމުންނަށް ކޮންމެވެސް ވަރެއްގެ ރައްކާތެރިކަމެއް ލިބިގެންދާނެކަމަށް ބެލެވެއެވެ.
ގައްދޫ ފެހިކުރުމުގެ މިމަސައްކަތުގައި އާންމުންގެ ބައިވެރިވުން އިތުރުކުރުމުގެ މަގްސަދުގައި ސްކީމެއް ވެސް ވަނީ އެކަށައަޅުއްވާފައެވެ.
މިޕްލޭނުގެ ދަށުން ރަށުގެ އެކި ސަރަހައްދުތަކުގައި ގަސްތައް ހައްދާނިމޭ އިރު ގައްދޫ އޮންނާނީ ވަރަށްވެސް ފެހި ރީތި ރަށެއްގެ ގޮތުގައެވެ.
ގައްދޫ ގްރީނިން ޕްލޭން ބައްލަވާލައްވާ!
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް (5 ލިބިއްޖެ):
ކޮމެންޓްސް ފުނުއްވާ