ޑީއަރޕީ ޒައީމްގެ ދަތުރުފުޅާއި ދިމާކޮށް ޑރ. ފާތިން ހަމީދު ގައްދުއަށް ވަޑައިގެންފި
މިދަތުރުގައި ރައްޔިތުންގެ ތެރެއިން ބަޔަކު ވަނީ ޑރ. ފާތިން އާއި އެކު ބައްދަލުވުމެއް ބާއްވާފައި.
ޑީއަރޕީގެ ޒައީމް މއ. ކިނބިގަސްދޮށުގެ އަލްއުސްތާޒް މައުމޫނު އަބުދުލް ގައްޔޫމް ގދ. ގައްދުއަށް ކުރެއްވުމަށް ހަމަޖެހިފައިވާ ދަތުރު ފުޅާއި ދިމާކޮށް ޑރ. ފާތިން ހަމީދު އިއްޔެ ހަވީރު ގައްދުއަށް ވަޑައިގެންފިއެވެ. ޑީއަރޕީގެ ޒައީމް މިއަދު ނޫނީ މާދަމާގެ ވަގުތެއްގައި ގައްދުއަށް ވަޑައިގެންނެވުމަށް ހަމަޖެހިފައިވާ ކަމަށް މައުލޫމާތު ލިބިފައި ވެއެވެ.
ޑރ. ފާތިން ހަމީދު ގައްދުއަށް ވަޑައިގެންނެވުމާއި އެކު ރައްޔިތުންގެ ތެރެއިން ބަޔަކު ވަނީ ޖެޓީ ސަރަހައްދުގައި އޭނާ އާއި އެކު ބައްދަލުވުމެއް ބާއްވައިފައެވެ. މިބައްދަލުވުމުގައި އެފަރާތުގެ ޚިޔާލު ޑރ. ފާތިން ހަމީދާއި ހިއްސާކޮށްލެއްވި ކަމަށް އެނގިފައި ވެއެވެ. މީގެ ތެރޭގައި ރަށުގެ ނަރުދަމާ ގާއިމް ކުރުމަށް ހަމަޖެހިފައި ވަނިކޮށް އެންމެ ފަހުގެ މަރުހަލާގައި އެކަން ކެންސަލް ކޮށްފައިވާތީވެ އެކަމުގެ ޝަކުވާވެސް ޑރ ފާތިން އަށް ހުށަހެޅިކަމަށް މައުލޫމާތު ލިބިފައިވެއެވެ.
މިދަތުރުފުޅާއި ދިމާކޮށް ރައްޔިތުންގެ ޝުއޫރުތައް ރަމްޒުކޮށްދޭ ގިނަގުނަ ބޯޑްތަކެއްވެސް އެސަރަހައްދުގައި ހަރުކޮށްފައި ވެއެވެ. މީގެ ތެރޭގައި ނަރުދަމާގެ ނިޒާމް ގެ މައްސަލަ ރަމްޒުކޮށްދޭ ބޯޑެއްވެސް ހިމެނެއެވެ.
ޑރ. ފާތިން ހަމީދުގެ ދަތުރުފުޅުގައި ގައްދޫ އަސަރީގެ ސައީދާ އާއި އެގޭ ޒުބެއިދާ ބައިވެރިވެލެއްވިއެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ޒާހިރު އާދަމް ފޮތްލިސްޓް ދިނީ އޭނަގެ އެދުމެއް އޮވެގެން ކަމަށް ވެދާނެ، އެކަމަކު އަހަރުމެންގެ ކަމެއްދޯ ވޯޓުދޭއިރު ބެލުން. ތިމާގެ ޒިންމާ ފުރިހަމަޔަށް އަދާކުރުން. އަމިއްލަ އެދުން ނެތީކާކުގެ ބާއޭ މަގޭ ހިތަށް އަރާ. ކޮބާތަ ވާހޫ ޒާހިރު، ކޮބާކަނބުލޯ ރަޝީދު، ވޯޓަށް އުޅުނު އިރު ވަރަށް ވަރުދެއްކި ޒާހިރުއާދަމް ކޮންމެވެސް ކަމެއް ގައްދޫ ރައްޔިތުންނަށް ކޮށްދީފަ ހުރީ. އިންސާފުގެ ނަޒަރަކުން ވިސްނާފަ މީހުނަށް ފާޑުކިޔާ.
ކޮމެންޓްސް ފުނުއްވާ