ފިނޭންސް މިނިސްޓަރ އަބުދުﷲ ޖިހާދު މިއަދު ގައްދޫ އަށް ވަޑައިގެންފި
ފޮންޓް ސައިޒް:
މިދަތުރުފުޅުގެ ތެރެއިން ނެގިފައިވާ ފޮޓޯއެއް
ފިނޭންސް މިނިސްޓަރ އަބުދުﷲ ޖިހާދު އަށް މަރުހަބާ ދެންނެވުމަށް ޑީއާރުޕީ އަށް ތާއީދުކުރާ ގިނައަދަދެއްގެ މީހުން ބައިވެރިވި
ފިނޭންސް މިނިސްޓަރ އަލްފާޞިލް އަބުދުﷲ ޖިހާދު ގައްދު އަށް ވަޑައިގެން ޑީއާރުޕީގެ ގައްދޫގެ އިސްފަރާތްތަކާއި ބައްދަލު ކުރެއްވިއެވެ. އަދިމިބައްދަލުވުމުން ނިމިވަޑައިގެން ޕީއޭގެ މެންބަރުންނާއި ޕީއޭގެ އޮފީހުގައި ބައްދަލު ކުރެއްވިއެވެ. ޑީއާރުޕީގެ ބައްދަލުވުން ތައާރަފު ކުރެއްވީ ގައްދޫ ފޫޅުމާގެ އަހުމަދު ސައީދުއެވެ. ތައާރަފުގައި އަހުމަދު ސައީދު ދެއްކެވި ވާހަކަފުޅުގައި ފިނޭންސް މިނިސްޓަރެއްގެ ހައިސިއްޔަތުން ޖިހާދު ވަޑައިގެން ފިނޭންސް މިނިސްޓްރީއާއި ދިމާއަށް އިގިލި ދިއްކުރެވަމުންދާ ވަގުތެއްގައި، އެކަމުގެ ހަގީގަތް ރައްޔަތުންނަށް ހާމަކޮށްދެއްވުމަށް ޖިހާދުގެ އަރިއަހުން އެދިވަޑައިގެންނެވިއެވެ. ޖިހާދުގެ ވާހަކަފުޅުގައި މިހާރު ފިނޭންސް މިނިސްޓްރީ އާއި އަދި ބެންކާއި ބެހޭގޮތުން ބަޔަކުމީހުން ދައްކަމުންދާ ވާހަކަތަކަކީ އެއްވެސް ތާކުންތާކުޖެހޭ ވާހަކަތަކެއްނޫންކަން ހާމަކުރެއްވިއެވެ. އެއީ އެމީހުން ހަމަހަދާއިގެން ދައްކާވާހަކަތަކެއް. ރާއްޖޭގެ އިގުތިސާދު އަންނަނީ ރަނގަޅުވަމުން. އަޅުގަނޑަކީ ފިނޭންސް މިނިސްޓަރީގައި ފަނަރައަހަރު އުޅެފައިވާމީހަކަށް ވީހިދު އަޅުގަނޑަށްވުރެ ބޮޑަށް އެދާއިރާގައި އެއްޗެއްބުނަން އެގޭނެ ދެވަނަ މީހަކު ރާއްޖޭގައި މިވަގުތު ނުހުންނާނެއެވެ. ބެންކުތަކުގައި ފައިސާ އެބަހުރި. އެއީވެސް ރައްޔަތުންގެ ތެރޭގައި ނުތަނަވަސްކަން ފަތުރަންވެގެން ބަޔަކުމީހުން ފަތުރާ އަޑެއް. އިރާދަކުރެއވިއްޔާ ރާއްޖޭގެ އިގުތިސާދު ރަނގަޅު. އެކަމަކުވެސް މުޅިދުނިޔޭގެ އިގުތިސާދަށް އަންނަ ބަދަލުތަކުގެ އަސަރު ރާއްޖެއަށްވެސް ކުރާނެ. އެހެން އެކަން އޮތަސް އަދި އެކަމުގެ އަސަރު ރާއްޖެއަކަށް ނުކުރޭ. މިއީ މިއަދު އަޅުގަނޑު ދަންނަވާ ހަގީގަތެއް. ޖިހާދުވިދާޅުވިއެވެ. ޖިހާދު އިތުރަށް ވިދާޅުވީ މިހާރުވެސް ރާއްޖޭގެ އެކިކަންކޮޅުތަކުގައި ތަފާތު އެތަކެއް ޕޮރްޖެކްޓް ހިގަމުންދާކަމަށެވެ. ދުވަހަކުވެސް ބިލަކަށް ފައިސާނުދައްކައިގެން އެކަމުގެ ޝަކުވާއެއް ލިބިފައިނުވާކަމަށެވެ. މިކަންތައްތައް އާއުސްމިންތަކަކަށް ގެންދިއުމަށްޓަކައި ތިބޭފުޅުން ޑީއާރުޕީގެ ޒައީމު އަލްއުސްތާޒު މައުމޫނު އަބުދުލްގައްޔޫމަށް ތާއީދުކޮށް ވޯޓްދެއްވާނެކަމަށް އުއްމީދުކުރަމެވެ. އަބުދުﷲ ޖިހާދު ގައްދޫ އިން ފުރާވަޑައިގަތީ ހަވީރު ހަގަޑި ފަނަރާގައެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ރޭޓިންގ އެއް ދިނުމަށް
ގައްދޫ އަހުމަދު
ކޮމެންޓްސް ފުނުއްވާ