އީދުކުޅިވަރަށް ގައްދޫވަނީ ވަރަށްބޮޑަށް ތައްޔާރުވެފައި
ފޮންޓް ސައިޒް:
ކުރީގެ ފޮތޯއެއް
މިއީދުކުޅިވަރުގެތެރެއިން ފަލިރޭސް އަދި ބޮއްކުރާރޭސް ބާއްވަނީ ގައްދޫ އަސަރީކުލަބުގެ ފަރާތުންނެވެ
އީދުކުޅިވަރު ގައްދޫގެ ފަސްގަޑުން މިފަހަކަށް އައިސް ނުފެންނަ ކުޅިވަރުތައް މިފަހަރު ގައްދޫއިން ފެނިގެންދާނެ ކަމަށް އީދުކުޅިވަރު އިންތިޒާމްކުރާ ބައެއްފަރާތްތަކުންހާމަކުރައްވައިފިއެވެ. މިފަހަރު މިބާއްވާ ކުޅިވަރުތަކުގެ ތެރޭގައި ޚާއްސަގޮތެއްގައި ފާހަގަކުރެވެނީ މީގެ ޒަމާންތަކެއްގެ ކުރީން ދިވެހީންމެދުގައި މަޝްހޫރު ކުޅިވަރެއްކަމުގައިވާ ފަލިރޭސް އަދި ބޮއްކުރާރޭސް ގައްދޫއިން ފެނިގެން ދިއުމެވެ. މިއީ ދިވެހިންގެ މެދުގައި ވަރަށް ފޯރިއާއި ޖޯޝް އެކުލެވިގެން ލޭކައްކުވައިދޭ ވަރަށް ހުނަރުވެރި ފައްނީ ކުޅިވަރެކެވެ. މިގޮތުން މިފަހަރު ގައްދޫ އަސަރީ ކުލަބުގެފަރާތުން ރިޔަލު ބޮއްކުރާ ދުއްވުމާއި ފަލިރޭސް މިބާއްވަނީ ދެބަޔަކަށް ބަހާލައިގެންނެވެ. އެއީ އަންހެނުންނާއި ފިރިހެނުން ބައިވެރިކޮށްގެން ދެފަރާތަށްވެސް އިނާމުލިބޭގޮތަށެވެ. މިއިން ކޮންމެބަޔަކުން އެއްވަނައަށް އަންނަޓީމަކަށް 7500 ރުފިޔާގެ އިނާމެއް ހުށަހެޅިފައިވެއެވެ. ބޮއްކުރާ ދުއްވުމުގެ ރޭހުން އެއްވަނައަށްއަންނަ ޓީމަކަށް 15000 ރުފިޔާގެ އިނާމެއް ކަނޑައެޅިފައިވެއެވެ. މިދެންނެވިދެކުޅިވަރުގެ އިތުރުން ފުޓްބޯލް މުބާރާތެއްވެސް މިއީދުގައި ކުރިޔަށް ދާނެކަމަށް މައުލޫމާތުލިބިފައިވެއެވެ. އަދިމަގުމަތީގެ ތަފާތު އެތަކެއްކުޅިވަރު ރޭވިފައިވާކަމަށާއި މިއީދުކުޅިވަރުގައި މާލޭގެ މަޝްހޫރު ފިލްމީތަރީންވެސް ބައިވެރިވާނެކަމަށް މައުލޫމާތު ލިބިފައިވެއެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ރޭޓިންގ އެއް ދިނުމަށް
ކޮމެންޓްސް ފުނުއްވާ