ގައްދޫގައި ކާށިން ތަކެތި އުފައްދާ ފެކްޓަރީއެއް އަޅާގޮތަށް ހަމަޖެހިއްޖެ.

މިކަމަށް ބޭނުންވާ ބިން މިހާރުވަނީ ކަނޑައަޅާފައިކަމަށް ޚަބަރު ލިބިފައިވޭ.

 ކާށިބޭނުންކޮށްގެން ތަކެތި އުފައްދާ ފެކްޓަރީއެއް ގައްދޫގައި އަޅާގޮތަށް ހަމަޖެހިއްޖެއެވެ. ފިޝަރީޒް މިނިސްޓްރީއިން މިއަދު މައުލޫމާތު ދެއްވި ގޮތުގައި ދިވެހި ރާއްޖޭގައި ކާށިތެޔޮ އުފައްދާ ދުނިޔޭގެ ބާޒާރަށް ނެރުމުގެ ހުއްދަ އެފްއޭއޯގެ ފަރާތުން މިއަދު ރާއްޖެއަށް ދިނުމާއިގުޅިގެން މިމަސައްކަތް ކުރުމަށް ރާއްޖޭގެ ދެކުނާއި އުތުރުން ޖުމްލަ ދިހަ ރަށް ކަނޑައަޅާނެ ކަމަށެވެ. މިގޮތުން މިމަސައްކަތުގައި މައިގަނޑު ދެރަށެއް ގާއިމްކުރައްވަން ހަމަޖެހިފައިވާ ކަމަށާއި، މިދެރަށުގެ ގޮތުގައި އުތުރުން ހދ. ހަނިމާދޫ ހަމަޖެހިފައިވާއިރު ދެކުނުން ހަމަޖެހިފައިވަނީ ގދ. ގައްދޫއެވެ.

ގައްދޫ އޮންލައިނަށް މައުލޫމާތު ލިބިފައިވާ ގޮތުގައި ކާށިތެލުގެ އިތުރުން ސައިބޯންޏާއި، ކާށިހުނި، ކާށިކިރު އަދި ބޮނބި ކުނޑިފަދަ ތަކެތި މިފެކްޓްރީ ތަކުން އުފައްދާގޮތަށް ހަމަޖެހިފައިވެއެވެ.

ގައްދޫގައި އަޅާފެކްޓަރީ އެޅުމަށް ހަމަޖެހިފައިވަނީ ގައްދޫ ސެންޓްގޭ އިރުމަތީފަރާތުގައިވާ ބިމުގައި ކަމަށްވެސް މިސައިޓަށް މައުލޫމާތުލިބިފައިވެއެވެ. އަދި މިގޮތުން ނަގާ ބިމުގެ ބޮޑުމިނަކީ 90،000 އަކަފޫޓްކަމަށްވެސް ޚަބަރުލިބިފައިވެއެވެ.