ގައްދޫގައި ތިބޭ ދެފުލުހަކު ދެއަންހެންކުދިން ގޮވައިގެން އެކަހެރިތަނެއްގައި ތިއްބާ އަތުލައިގެންފި

ބިންހިއްކުމުގެ މައްސަލާގައި ބައަކު ޕޮލިސްސްޓޭޝަންގެ ކައިރިއަށް އެއްވެ ހިތްހަމަނުޖެހުން ފާޅުކުރަނީ.

މީގެ ތެރެއިން އެއް ފުލުހަކީ ގއ. ވިލިނގިލީ ކުއްޖެއްކަމަށާއި އަނެކަކީ ޏ.ފޯއްމުލަކު ކުއްޖެއްކަމަށްވޭ.

ގައްދޫ ޕޮލިސްސްޓޭޝަންގެ ދެފުލުހަކު ދެ އަންހެން ގޮވައިގެން މިހާރު ގައްދުއާއި ގުޅުވާލެވިފައިވާ ރޮދުވައްރެހާގައި ތިއްބާ ރައްޔިތުންގެ ބަޔަކު އެމީހުން އަތުލައިގެންފި ކަމަށް ގައްދޫ އޮންލައިނަށް މައުލޫމާތު ލިބިއްޖެއެވެ.

ގައްދޫ ރައްޔިތުންގެ ދެމީހަކު އެމީހުންތިބި ސރަހައްދަށް ދިޔައިރު އެކުދިން އަރުވައިގެން ގެންދިޔަ ވޭނުގެ ލައިޓްތައް ވަނީ ނިއްވާލާފައި ކަމަށް ޚަބަރު ލިބިފައިވެއެވެ. އަދި އެމީހުން ފެނުމާއިއެކު އަވަސް އަވަހަށް ވޭނުގައި އެމީހުން އެތަނުން ނައްޓާލާފައިވާކަމަށްވެސް އެނގިފައިވެއެވެ. އެންމެ ފަހުން ވޭން ހުއްޓުވާފައިވަނީ ބަޔަކު ވޭނުގެ ކުރިމައްޗަށް އުޅަނދެއް ހުރަސް ކޮށްގެން ކަމަށްވެއެވެ.

މިހާރު މިދެފުލުހުންވަނީ މިމައްސަލައިގެ ތަހްގީގަށްޓަކައި ތިނަދޫ ޕޮލިސް ސްޓޭޝަނަށް ގެންދެވިފައި ކަމަށާއި، މީގެ ތެރެއިން އެކަކީ ޏ.ފޯއްމުލަކު ކުއްޖެއްކަމަށާއި އަނެކަކީ ގއ. ވިލިނގިލީގެ ކުއްޖެއްކަމަށްވެސް މިސައިޓަށް މައުލޫމާތު ލިބިފައިވެއެވެ.

މިމައްސަލައާއި ބެހޭގޮތުން ގައްދޫ ޕޮލިސް ސްޓޭޝަންގެ ފަރާތުން ވިދާޅުވިގޮތުގައި މިމައްސަލައިގެ ތަހުގީގް މިހާރު ކުރިޔަށް ދާތީވެ އިތުރުމައުލޫމާތެއް މިކަމާއި ބެހޭގޮތުން މިވަގުތު ދެވެން ނެތްކަމަށެވެ.

މިހާދިސާގެ ކުރިންވެސް ގައްދޫ ޕޮލިސްސްޓޭޝަނާއި ހަވާލުވެގެން ހުންނެވި އެތާގެ އިންޗާޖް ގައްދޫގެ އަންހެން ކުއްޖެއް އެސްޓޭޝަންގެ ކޮޓަރިއެއްގެ ތެރެއަށް ވައްދައިގެން އުޅުނު މައްސަލައެއްގެ ތަހުގީގު ވަނީ ކޮށްފައެވެ. މިކަމުގައި ބައިވެރިވި އަންހެންކުއްޖަކީ ގދ. އަތޮޅުމަދަރުސާގެ ޓީޗަރެއްގެ ގޮތުގައި މަސައްކަތް ކުރާކުއްޖެއްކަމަށާއި އަދި މިއަދާއި ހަމައަށްވެސް އެކުއްޖާ އަށް އޮންނަނީ އޮފީހަށްގޮސް ސޮއިކޮށްލުން އެކަނި ކަމަށް މައުލޫމާތު ލިބިފައިވެއެވެ.

މިހާދިސާގެ ފަހުންވެސް މިއަންހެންކުއްޖާއާއި ބެހޭގޮތުން އެފަދަ ވާހަކަތަކެއް ރަށުތެރޭގައި ދެކެވެމުން ދިޔައެވެ.