މިފްކޯގެ ރަންދި 19 އިގެ ފަލްކާގެ ތެރެއަށް ފޭބި ބިދޭސީއަކު މަރުވެ 3 މީހެއްގެ ހާލު ގޯސްވެއްޖެ.

މިހާދިސާގައި މަރުވެފައިވަނީ ބަގްލަދޭޝްގެ ރައްޔިތެއްކަމަށްވޭ.

ގއ. ކޫއްޑޫ ފަޅުތެރޭގައި އޮތް ރަންދި 19 ބޯޓްގެ ފަލްކާ ތެރެއަށް ފައިބައިގެން އުޅުނު ބިދޭސިއަކު މަރުވެ އިތުރު 3 މީހެއްގެ ހާލު ގޯސްވެއްޖެއެވެ. މިހާދިސާ ހިނގާފައިވަނީ ރޭފަތިހު 05:30 ހާއިރުގައެވެ.

މިހާދިސާގައި މަރުވެފައިވަނީ ބަނގްލަދޭޝްގެ ރައްޔިތެއް ކަމުގައިވާ އަޖިތު ޗަންދުރަދާސް ކިޔާމީހެއްކަމަށާއި ހާލުދެރަވެފައިވާ 3 މީހުންގެ ތެރޭގައި ދިވެއްސެއްވެސް ހިމެނޭކަމަށްވެއެވެ. މިމީހާއަކީ ގއ. ނިލަންދޫ ދީދާރުގެ އަހުމަދު އަލީ 22 ކަމަށްވެސް މައުލޫމާތުލިބިފައިވެއެވެ.

މިހާދިސާ ހިނގައިފައިވަނީ މިފްކޯގެ ރަންދީ 19 ބޯޓްގެ ފަލްކާއިން މަސްހުސްކޮށް ފަލްކާގައި ހުރި ދިޔަގަނޑުވެސް ހުސްކުރުމުމަށްފަހު ފަލްކާގައި ހުރި ބާކީ މަސްތައް ނަގަންވެގެން ބަގްލަދޭޝްމީހާ ފަލްކާތެރެއަށް ފޭބުމުން ކަމަށްވެއެވެ. އެމީހާއަނބުރައިގަނެގެން ވެއްޓުމާއި އެކު އޭނާ ނެގުމަށްޓަކައި އެހެންމީހަކުވެސް ފަލްކާތެރެއަށް ފޭބި ކަމަށާއި މިގޮތުން 3 މީހުން ފޭބުމަށްފަހު 4 ވަނަ މީހާވެސް ފަލްކާތެރެއަށް ފޭބި ކަމަށްވެއެވެ. އެއިރު ފަލްކާއަށް ފޭބި ފުރަތަމަ މީހާގެ ހާލުވަރަށް ދެރަކަމަށްވެއެވެ.

މިހާދިސާ މޯލްޑިވްސް ޕޮލިސް ސަރވިސް އިން މިހާރު ދަނީ ތަހްގީގް ކުރަމުންނެވެ.