ކުއްލި ޚަބަރު: ގައްދޫ އިންޖީނުގޭގެ ޖެނެރޭޓަރެއް ގޮވައި ކަރަންޓްގެ ޚިދުމަތް އަނެއްކާވެސް މެދުކެނޑިއްޖެ.

އިންޖީނުގެ ބޮޑީ ފަޅައިގެންގޮސް ކޭމް ޝާފްޓް ނުކުމެފައި.

ކަރަންޓުގެ މައްސަލަ ހައްލުކުރުމަށްޓަކައި 400 ކިލޯވޮޓްގެ އާ ޖެނެރޭޓަރެއް މާލެއިން ފޮނުވުމުގެ މަސައްކަތް މިހާރު ކުރެވެމުންއެބަދޭ- ހަމީދު

ގައްދޫ އިންޖީނުގޭގައި ބޭނުންކުރަމުންދާ 3 ޖެނެރޭޓަރުގެ ތެރެއިން 1 ޖެނެރޭޓަރ ގޮވުމުގެ ސަބަބުން ގައްދޫއިން ކަރަންޓުގެ ޚިދުމަތް މެދުކެނޑިއްޖެއެވެ. މިރޭ ގަޑިން ގާތްގަނޑަކަށް 07:45 ހާއިރުގައި ގޮވި މިޖެނެރޭޓަރގެ ބޮޑީ ފަޅައިގެންގޮސް ކޭމް ޝާފްޓް ބޭރަށް ނުކުމެފައިވާ ކަމުގައި ވެސް މިސައިޓަށް މައުލޫމާތު ލިބިފައިވެއެވެ.

ސްޓެލްކޯގެ ފަރާތުން 24 ގަޑިއިރަށް ޚިދުމަތް ދެމުންގެންދާ މިއިންޖީނުގޭގައި ބޭނުންކުރަމުންދާ ޖެނެރޭޓަރަށް މައްސަލަތަކެއް ކުރިމަތިވެފައިވާތާ ގިނަ ދުވަސްތަކެއް ވެފައިވާ ކަމަށާއި މިގޮތުން ޖެނެރޭޓަރަށް ދިމާވެފައިވާ އެންމެބޮޑު މައްސަލައަކީ އާދަޔާ ޚިލާފަށް އަޑީތެޔޮ ލީކުވުމުގެ މައްސަލަ ކަމަށްއިންޖީނުގެއިން މައުލޫމާތު ދެއްވިއެވެ. އިންޖީނު ގޮވާފައިވާ މައިގަނޑު ސަބަބަކަށް ބެލެވެނީ ޖެނެރޭޓަރުން އެއްކޮށް އަޑީތެޔޮ ހުސްވުމުގެ ސަބަބުން ކަމަށާއި ކަރަންޓްގެ ޚިދުމަތް މެދުކެނޑެމުންދާ މައްސަލަ ހައްލުކުރެވޭނީ އާޖެނެރޭޓަރ ލިބިގެންކަމަށްވެއެވެ. މިގޮތުން ފޮނުވުމަށް ހަމަޖެހިފައިވަނީ 400 ކިލޯވޮޓްގެ ޖެނެރޭޓަރެއް ކަމަށާއި މިޖެނެރޭޓަރ މިވަގުތު ހުރީ ކ. ގުރައިދޫގައިކަމަށްވެސް އެފަރާތުން މައުލޫމާތު ދެއްވާފައިވެއެވެ.