މުޅިރާއްޖެއިން ތައުލީމީގޮތުން އެންމެ ފެންވަރުދަށް 10 ސްކޫލްގެ ތެރޭގައި ގައްދޫ ސްކޫލް ހިމެނިއްޖެ
ސްކޫލް ހިންގުމުގައި ތަފާތު މައްސަލަތައް ކުރިމަތިވެ ކުދިންގެ އަޚްލާގްވަނީ ވަރަށް ބޮޑަށް ގޯސްވެފައި.
2008 ވަނަ އަހަރުގެ ނަތީޖާ ދައްކާގޮތުން މުޅި ރާއްޖެއިން އެންމެ ފެންވަރު ދަށް 10 ސްކޫލްގެ ތެރޭގައި ގދ. އަތޮޅުމަދަރުސާ ހިމެނިއްޖެއެވެ. މިކަން ހާމަކުރެއްވީ ސްކޫލްގައި ހުރި މައްސަލަތައް ފާހަގަކޮށް އެކަންތައްތަކާއި ބެހޭގޮތުން އަޅަންޖެހޭ ފިޔަވަޅުތައް ބެލުމަށްޓަކައި ގައްދުއަށް ވަޑައިގެންއުޅުއްވާ އަޕަރ ޕްރޮވިންސްގައި ހުންނެވި ތައުލީމީ ކަންތައްތަކާއިބެހޭ އެންމެ އިސްފަރާތްކަމުގައިވާ އަލްފާޟިލް އަހުމަދު ޝަކީލެވެ.
ޝަކީލުގެ އިތުރުން މިދަތުރުގައި އަޕަރ ސައުތް ޕްރޮވިންސްގެ ސްޓޭޓް މިނިސްޓަރުގެ ނައިބު މުހައްމަދު ޝަރީފާއި ގދ. އަތޮޅުގެ ދެ ސްކޫލެއްގެ ޕްރިންސިޕަލުން މިދަތުރުގައި ބައިވެރިވެ ވަޑައިގެންނެވިއެވެ.
މިބޭފުޅުންވަނީ މިކަމާއި ބެހޭ މައުލޫމާތުތައް ހޯދުމަށްޓަކައި ރަށުގެ ތަފާތު ފަރާތްތަކާއި ބައްދަލުކޮށް މައުލޫމާތު ހޯއްދަވާފައެވެ. އަދި މިއަދުގެ އެކި ގަޑިތަކުގައި އެފަރާތްތަކާއި ބައްދަލުކޮށްލަން ބޭނުންވާ ފަރާތްތަކާއި ބައްދަލުކުރުމުގެ ދޮރުވެސް ވަނީ ހުޅުވާލެވިފައެވެ.
ސްކޫލްގައި ހުރި މައްސަލަ ތަކާއި އަދި ރަށުގެ އެހެނިހެން ބައެއް ކަންތައްތަކާއި ބެހޭގޮތުން ރައްޔިތުންނަށް މައުލޫމާތު ދިނުމަށްޓަކައި ރޭ ގދ. އަތޮޅު މަދަރުސާގައި ބޭއްވި ބައްދަލުވުމެއްގައި ގައްދޫގެ ލޭންޑް ޔޫސް ޕްލޭން ކުރިއަށް އޮތް ހަފްތާއެއްހާ ދުވަހުގެ ތެރޭގައި ނިންމާލެވޭނެކަމަށް މުހައްމަދު ޝަރީފް ވިދާޅުވިއެވެ. އަދި ގަމުން ވެލާ ކަތިލުން ހުއްޓާލުމާއި ބެހޭގޮތުންނާއި އެކަމަށްޓަކައި އަޅަންޖެހޭ ފިޔަވަޅުތައް ރާއްވަމުން ގެންދަވާ ކަމުގައިވެސް މިނިސްޓަރުގެ ނައިބު މުހައްމަދު ޝަރީފް ރޭގެ ބައްދަލުވުމުގައި ވިދާޅުވިއެވެ.
ގދ. އަތޮޅުމަދަރުސާގެ މެނޭޖްމެންޓާއި ޓީޗަރުން އަދި ބެލެނިވެރިންގެ މެދުގައި ބައިބައި ވުމާއި ޚިޔާލުތަފާތުވުން ވަރަށް ބޮޑަށް އުފެދިފައިވެއެވެ. މިމައްސަލައިގައި މަދަރުސާގެ ޕްރިންސިޕަލާއި އަދި ހެޑްމާސްޓަރ ސްކޫލް ދޫކޮށް ވަޑައިގަންނަވާ ގޮތަށް ވަނީ ނިންމާފައެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
1. ކަމަށް އެކަށީގެންވާ ތަމްރީނާއި ހުނަރު ލިބިފައިވާ މެނޭޖްމަންޓެއް ސްކޫލުގައި ގާއިމު ނުކުރެވުން.
2. ސްކޫލުގެ ދާއިމީ ދިވެހި ޓީޗަރުންގެ ފެންވަރު މަތިކުރުމަށް 2003 ވަނަ އަހަރާއި ހަމަޔަށް އެއްވެސް މަސައްކަތެއް ކުރެވިފައި ނުވުން.
3. ސްކޫލުގެ ކިޔެވުން އެކަށީގެންވާ މިންވަރަށް ސްޕަވައިޒް ނުކުރެވުން.
4. ބެލެނިވެރިންނަކީ ސްކޫލުގެ ހަގީގީ މައްސަލަތައް ފާހަގަކުރެވޭ ފަދަ ހޭލުންތެރި ބަޔަކަށް ނުވުން
5. މުޖުތަމަޢުގެ އެއްވެސް މީހަކީ ތިމާގެ ކުށް ގަބޫލުކުރާ މީހަކަށް ނުވުން
6. ސްކޫލުގެ ސްޓާފުންގެ މެދުގައި ޒާތީ ހަސަދަވެރިކަން އިންތިހާއަށް ބޮޑުވެ، އެކަމަށް އެއްވެސް ޙައްލެއް ނުގެނެވުން
7. ގައްދޫގެ ވެރިންނާއި، ރަށްކުރިއަރުވާ ކޮމެޓީއިން ސްކޫލުގެ ކަންކަމާއި މެދު އެކަށީގެންވާ އަހްމިއްޔަތެއް ނުބެހެއްޓުން
8.ވެރިންނާއި ރައްޔިތުންނާއި ގުޅުމެއް ނެތުން.
9.ގައްދޫގެ ދަރިން 1990 އިން 2004 އާއި ހަމަޔަށް އާދަޔާއި ޚިލާފަށް ގިނައަދަދަކަށް މާލެއަށް ކިޔަވަން ދިޔައިރު، އެކަމަށް ރަށުގެ އެއްވެސް މަސްއޫލުވެރި ފަރާތަކުން ޙައްލެއް ނުހޯދުން.
10. ރަށުގައި ހަރުދަނާ ޒުވާނުން ހަރުލާނެ ފަދަ ގޮތެއް ނުހޯދުން
އަދި މިނޫނަސް މިފަދަ ވަރަށް ގިނަ ސަބަބުތައް ހިމެނޭ.
އަޅުގަނޑު ދެކޭ ގޮތުގައި މިކަން ޙައްލުކުރުމަށް މިހާރުން މިހާރަށް މިވަނީ ހަރުދަނާ މަސައްކަތްތަކެއް ކުރަންޖެހިފައި. އަޅުގަނޑު ހުރިހާ ރައްޔިތުންނަށް ގޮވާލަނީ ހުރިހާ އެންމެން މިކަމުގައި އެއްތަންވެ، އެކައްޗެއް ކިޔާ އަވަސް ޙައްލެއް ހޯދުމަށް މަސައްކަތް ފަށަމާ ހިނގާށޭ!
ސްކޫލަށް މިހެން ދިމާވީ ބައިވަރުސަބަބުތަކަށްޓަކައެވެ. ތެދުތެދަށްދަންނަވަންޏާ ރަށު ސްކޫލު ދޫކޮށްދިޔަ ޓީޗަރުން މިކަމުގައި ގޯސްކުރެވޭކަށްނެތެވެ. އެބޭފުޅުން ދިޔައީ ހަމައެކަނި އަމިއްލަ އެދުމެއްގައޭ ނުބުނެވޭނެއެވެ. މިހާރުމިއޮތީ ޒަމާން ބަދަލުވެފަ. ކޮންމެމީހަކުވެސް އެމީހެއްގެ ކުރިއެރުމަށް ބަލަންޖެހޭ. ގަބޫލުކުރަންޖެހޭ ހަގީގަތަކީ ސްކޫލް ދޫކޮށް ދިޔަ ގިނަ ޓީޗަރުންނަކީ ސްކުލަށް ބޭނުންވެފައި ތިބިވަރައްވުރެ ގިނަވެފަތިބި މީހުން. އެއީ ދިވެހި މީޑިޔަމް އަށް ޓްރައިން ވެފަ ތިބި ބައެއް. އެހެން ކަމުން ސްކޫލަށްވެސް އެންމެ ރަނގަޅީ އަމިއްލައަށް އެމީހުން ދިޔުން.
އެހެން ނަމަވެސް އެޓީޗަރުންނާއިއެކު ވަރަށް އަގުހުރިއެއްޗެއް ގެއްލިގެން ދިޔަ. ކުރިން ހީނުކުރާ ގޮތަށް ކަންތައް ދިޔަ. ދިވެހި މީޑިޔަމާށް ކިޔަވައިގެން ތިބި "ގްރޭޑް 7" ގެ ފެންވަރު ނެތް ޓީޗަރުން ގެބަދަލުގައި އަލަށް އައި ކިޔަވައިގެން ތިބި މީހުންގެ ގައިގައި ރައްޔިތުން ގަބޫޅުކުރާ އަހުލާގާއި ސުލޫކެއްނެތް. ދެން މިބުނި ދިވެހި މީޑިޔަމް އަށް ކިޔަވައިދިން ޓީޗަރުންގެ ބަދަލުގައި ތިބީ ވަގުތީ ޓީޗަރުން. ދަށުގްރޭޑްތަކަށް ކިޔަވައިދިން މިޓީޗަރުންގެ ކިބައިގައި އިލްމެއްނެތެ. އަހުލާގެއްނެތް. ގިނަމީހުންނަކީ ގދ. އަތޮޅުމަދަރުސަޢިން އޯލެވެލވެލް ހަދާ ޔޫ ސެޓެއް ގެންނަ މީހުން. ދެން މިމީހުން ކޯއްޗެއް ކިޔަވައި ދޭނީ............
ދެން އޮތީ މެނޭޖްމެންޓްގެ ވާހަކަ. މިވާހަކަ ނުދެއްކިއްޔާ ރަނގަޅީ..
ދެން ރައްޔިތުންގެ އިހުމާލު. ވެރިން އަޅާނުލުން.
...
މިސާލު.... އަހުމަދު ނާސިހު...ސާމިހު. ނާފިޒު...ފާތިމަތު މަންސޫރު. ސާދިގާ...މިމީހުން ގެ ބަދަލުގައި އައި މީހުންނަކީ އަދަބެއް އަހުލާގެއް ނެތް މީޙުން...މިދިޔަ އަހަރުތަކުގައި ކިތައް މުދައްރިސުން ބަދުއަހުލާގީ އަމަލު ތަކާއި ހެދި ގޭގަ ބޭތިއްބި...
ކަމުވޮށިގެން ވާ މީހުން ގެ ދަރިން މާލޭގަ ... އެހެން ވީމަ އެމީހުން އަޅާނުލާ. މީގެ އިތުރުން ބެލެނިވެރިން ޒިންމާ ނުނަގާ
ދެން މުޅި ރަށް ހަސަދަވެރިކަމުން ފުރިފަ. ނާސިހް ބުނިހެން އެންމެން އެއްގަލަކަށް އަރައިގެން އެކަކު އަނެކަކަށް އިހްތިރާމް ކުރާ ދުވަހެއް ފެނިގެންނޫނީ ތި މުޖްތަމައު ރަނގަޅެއް ނުވާނެ.
-މގ-
ކޮމެންޓްސް ފުނުއްވާ