ކެމްޕަސްގެ ފުރާޅުމައްޗަށް ގައްދޫގެ އަންހެންކުއްޖަކު ވެއްޓިއްޖެ
ފުރާޅުމައްޗަށް ވެއްޓުނު ކުއްޖާ އެމްއެންޑީއެފްގެ ފަރާތުން ސަލާމަތްކުރުމުގެ މަސައްކަތްކުރަނީ: ފޮޓޯ އެމްއެންޑީއެފް
މއ. ހުރަވީގެ 5 ވަނަ ފަންގިފިލާއިން ވެއްޓިފައިވަނީ ގައްދޫ ސަވޭރީ ފަރުޒީނާ
މއ. ހުރަވީގެ 5 ވަނަ ފަންގިފިލާއިން މަޖީދީ މަގުގައި ހުންނަ ކެމްޕަސްގެ ފުރާޅުމައްޗަށް ގައްދޫގެ އަންހެން ކުއްޖަކު ވެއްޓިއްޖެއެވެ. ރޭ ދަންވަރު 12:30 ހާއިރު ހިނގި މިހާދިސާގައި ވެއްޓިފައިވަނީ އުމުރުން 19 އަހަރުގެ ގައްދޫ ސަވޭރީ ފަރުޒީނާ އެވެ.
ކެމްޕަސްގެ ފުރާޅުމަތިން މިކުއްޖާ ބާލައިފައިވަނީ ދިގު ހަރުގަނޑެއް ބޭނުންކޮށްގެން އެމްއެންޑީއެފްގެ މޯލްޑިވްސް ފަޔަރ އެންޑް ރެސްކިއު ސަރވިސް ގެ ފަރާތުންނެވެ. ފުރާޅުމަތިން މިކުއްޖާ ބޭލުމަށްފަހު ރޭ 01:00 ހާކަންހާއިރު އައިޖީއެމްއެޗްއަށް ގެންގޮސްމިކުއްޖާއަށް މިހާރުދަނީ ފަރުވާ ދެމުންނެވެ.
ބޭރުފުށުން ހަށިގަނޑު ކޮންމެވެސް ވަރަކަށް މަށައިގެންދިޔުމުގެ އިތުރުން މާބޮޑުގެއްލުމެއް މީނައަށް ލިބިފައިނުވާ ކަމަށް މައުލޫމާތު ލިބިފައިވެއެވެ.
މިހާދިސާއާއި ބެހޭގޮތުން ފުލުހުން ވިދާޅުވެފައިވަނީ މިހާތަނަށް ބެލިބެލުމުން މިކުއްޖާ ވެއްޓެން ދިމާވެފައިވަނީ އެކްސިޑެންޓެއްގެ ސަބަބުން ކަމަށްލަފާކުރެވޭ ކަމަށެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ