މިއަދަކީ ފުރަތަމަ ހުވަދޫ ބަޣާވާތުގައި ބަޣާވާތްތެރިންގެ ކިބައިން ގައްދޫ މިނިވަންވިތާ 50 އަހަރު ފުރުނުދުވަސް
މޯލްޑިވްސްޓަރ ގައްދުއަށް އައިދުވަހު ގައްދޫ އަތިރިމަތީގައި ބަޔަކު މަޑުކޮށްލައިގެން
ގައްދުއަށް ބާޣީންވަނީ 2 ފަހަރެއްގެ މަތިން އަރާ ރައްޔިތުންނަށް ބޮޑެތި އަނިޔާތަކެއް ދީފައި
މިއަދަކީ ފުރަތަމަ ހުވަދޫ ބަޣާވާތުގައި ގައްދުއަށް އަރާތިބި 200 އެއްހާ ބަޣާވާތްތެރިންގެ ކިބައިން ގައްދޫ ސަލާމަތްވިތާ 50 އަހަރު ފުރުނު ދުވަހެވެ. ސުވަލްދީބު ސަރުކާރުގެ ނަމުގައި ދެކުނުގެ ހަތަރު އަތޮޅު ގުޅިގެން އުފައްދާފައިވާ ސަރުކާރާއި އެއްބައި ނުވުމުގެ ސަބަބުން ބަޣާވާތްތެރިންގެ ބަޔަކު ގައްދުއަށްއަރާ ގެތައްލޫޓްކޮށް އަންހެނުންގެ އިއްފަތްތެރިކަން ފޭރިގެންފައިވަނިކޮށް އެއިރުގެ ބޮޑުވަޒީރު އަލްފާޟިލް އިބްރާހިމް ނާސިރު މޯލްޑިވްސްޓަރގައި ގައްދުއަށް ވަޑައިގެން ގައްދޫގެ ރައްޔިތުން މިމީހުންގެ ކިބައިން ސަލާމަތްކުރެއްވީ 16 ޖުލައި 1959 ގައެވެ.
ފުރަތަމަ ބަޣާވާތަށްފަހު ގައްދޫގެ ރައްޔިތުންނަށް ރައްކާތެރިކަން ލިބިފައިވަނިކޮށް ހުވަދުއަތޮޅުގެ އެކި ރަށްރަށުގެ މީހުން އޮޑިފަހަރުގައި އައިސް 2 ވަނަ ފަހަރަށް ގައްދުއަށް އަރާ ގައްދޫގެ ރައްޔިތުން އަޅުވެތިކޮށްފައިވަނީ 14 ޖޫން 1961 ގައެވެ. މިފަހަރު އެމީހުންވަނީ ގައްދޫގެ ރައްޔިތުންނާއި ދޭތެރޭގައި ފުރަތަމަ ބަޣާވާތުގައި އަމަލުކޮށްފައިވާ ގޮތަށްވުރެ އެތައް ދަރަޖައެއް ނުބައި ބޮޑެތި ޖަރީމާތަކެއް ހިންގައިފައެވެ. ރަށުގެ ހުރިހާ ގެތައް ލޫޓުވާ ރަނާއި އަގުބޮޑެތި މުދާތަކެއް ގެންދިޔައެވެ. އަންހެނުންނާއި ކުޑަކުދިންނަށް އެތަކެއް އަނިޔާތަކެއް ދީ ގެތަކުގައި ހުޅުޖަހާ އަންދާލިއެވެ. ބެލެވޭގޮތުގައި އޭރު ގައްދޫ ކަތީބު ކަމުގައި ހުންނެވި އިސްމާއިލް ކަލޭފާން ނިޔާވީ ބަޣާވާތްތެރިންގެ މީހަކު އޭނާގެ ބޮލަށް ދިން ހަމަލާތަކަށްފަހު އެކަމަށް ބޭސްކުރަމުން ދަނިކޮށެވެ.
އިބްރާހިމް ނާސިރު ސިލްވަރ ކްރެސްޓްގައި ވަޑައިގެން މިބަޣާވާތުގެ ކަންތައް ނިންމާލެއްވީ 31 ޖެނުއަރީ 1962 ގައެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ