ގައްދޫ ޕޮލިސް ސްޓޭޝަންގެކޮޓަރިއަކަށް އަންހެންކުއްޖަކު ވައްދައިގެން އުޅެނިކޮށް ބަޔަކު ގޮސް އެކުއްޖާ އެތަނުން ނެރެފި.

އެމައްސަލައިގައި ރައްޔިތުންވަނީ ނުރުހުން ފާޅުކޮށް މުއައްސަސާގެ ހުރުމަތް ކަނޑާލައިފައިވާ ކަމަށް ބުނެފައި.

ގައްދޫ ޕޮލިސް ގެ އިންޗަރޖް ކަމާއި ހަވާލުވެ ހުންނެވި ސަރޖެންޓް މުހައްމަދު ޝިފާއު ގައްދޫ ޕޮލިސް ސްޓޭޝަންގެ ކޮޓަރި އެއްގެ ތެރެއަށް އަންހެން ކުއްޖެއް ވައްދައިގެން އުޅެނިކޮށް ރައްޔިތުންގެ ބަޔަކު ގޮސް އެކުއްޖާ އެތަނުން ނެރެލައިފި ކަމަށް ޚަބަރު ލިބިއްޖެއެވެ. މައުލޫމާތު ލިބިފައިވާ ގޮތުގައި އެކުއްޖާ ކޮޓަރި ތެރެއިން ނެރުމަށް އެކުއްޖާގެ ބައްޕަ އާއި އަދި ރައްޔިތުންގެ ތެރެއިން ބަޔަކު ދިއުމުން އެއަންހެންކުއްޖާ ކޮޓަރި ތެރޭގައި ނޫޅޭ ކަމަށް ޝިފާއު ވަނީ ފުރަތަމަ އެމީހުންގެ ކައިރީގައި ވިދާޅު ވެފައެވެ. ނަމަވެސް އެންމެ ފަހުން އެ ކުއްޖާ ހޯދަން ދިޔަމީހުން އެއަންހެންކުއްޖާ އޮތް ކަމަށް ޝައްކުކުރެވޭ  ކޮޓަރި ފާސްކުރަން އުޅުމުންއޭނާ ވަނީ އެއަންހެންކުއްޖާ އެކޮޓަރިން ބޭރަށް ނެރެފައި ކަމަށް މައުލޫމާތު ލިބިފައި ވެއެވެ.

މިމައްސަލައިގައި އަންހެން ކުއްޖާގެ ބައްޕަ ވަނީ ގައްދޫ އޮފީހަށް ހާޟިރުކޮށް އޭނާގެ އަތުން ބަޔާނެއް ނަގައިފައެވެ. އަދި ޝިފާއު ވަނީ މައްސަލަ ތަހްގީގް ކުރުމަށްޓަކައި މިއަދު ހެނދުނު ތިނަދުއަށް ގެންގޮސްފައި ކަމަށް ވެއެވެ. މިމައްސަލަ ހިނގާފައިވަނީ އަންހެން ކުއްޖާ އާއި އިނުމަށް އޭނާ ރައްޓެހިވެގެން އުޅޭ ކުއްޖާ ގައްދުއަށް އައިސް ހުއްޓާ ކަމަށްވެއެވެ. މައުލޫމާތު ލިބިފައިވާ ގޮތުގައި އަންހެން ކުއްޖާ ކޮޓަރި ތެރޭގައި އިން ކަން އަންހެންކުއްޖާގެ ބައްޕައަށް އެންގީ އަންހެން ކުއްޖާ އާއި އިނުމަށް ގައްދު އަށް އައިސް ހުރި ކުއްޖާއެވެ. މި އަންހެން ކުއްޖާ އަކީ ގދ. އަތޮޅު މަދަރުސާގެ ޓީޗަރެއްގެ ގޮތުގައި މަސައްކަތް ކުރަމުންދާ ކުއްޖެއް ކަމަށްވެސް މައުލޫމާތު ލިބިފައި ވެއެވެ.