ގައްދޫ އެއަރޕޯރޓްގެ އަމަލީ މަސައްކަތް ހަފްތާއެއްހާ ދުވަހުގެ ތެރޭގައި ފެއްޓޭނެ ކަމަށް އުންމީދުކުރެވޭ- އެއިމް
މާވެއްދޫގައި ތައްޔާރުކޮށްފައިވާ ބައެއް ވަގުތީ އިމާރާތްތައް
މަސައްކަތް ފެއްޓުމަށް ބޭނުންވާ މައިގަނޑު ސާމާނު މިހާރު ވަނީ ރަށަށް ގެންގޮސްފައި
ގައްދޫ ފަޅާއި އެއްވެގެން އޮންނަ ގދ.މާވެއްދޫ އެއަރޕޯރޓްގެ އަމަލީ މަސައްކަތް ކުރިޔަށް އޮތް ހަފްތާއެއްހާ ދުވަހުގެ ތެރޭގައި ފެއްޓޭނެކަމަށް އުންމީދު ކުރައްވާ ކަމަށް އެއަރޕޯރޓް އިންވެސްޓްމެންޓް މޯލްޑިވްސް (އެއިމް) އިން މި ސައިޓަށް މައުލޫމާތު ދެއްވައިފިއެވެ. އެފަރާތުން ވިދާޅުވާ ގޮތުގައި މިހާތަނަށް މަސައްކަތް ނުފެށި ލަސްވަމުންދަނީ މަސައްކަތް ފެއްޓުމުގެ ކުރިން ހަދަންޖެހޭ އީ.އައި.އޭ ރިޕޯރޓްގައި ކުޑަމައްސަލައެއް އުޅުމުގެ ސަބަބުން އެންވަޔަރަންޓް މިނިސްޓްރީން މަސައްކަތް ފެއްޓުމަށް އަދި ހުއްދަ ނުލިބުމުގެ ސަބަބުންނެވެ. ނަމަވެސް އެފަރާތުން ވިދާޅުވީ ކުރިޔަށް އޮތް ހަފްތާ އެއްހާ ހިސާބުގައި މިކަމުގެ ހުއްދަ އެންވަޔަރްންޓް މިނިސްޓްރީން ލިބޭނެކަމަށް އެފަރާތުން އުންމީދު ކުރައްވާ ކަމަށާއި ހުއްދަ ލިބުނުހާ އަވަހަކަށް ޕްރޮޖެކްޓްގެ އަމަލީ މަސައްކަތް ފެއްޓޭނެ ކަމަށެވެ.
މިމަސައްކަތް ކުރުމަށް އެއިމްސް އިން ހަވާލުކޮށްފައި ވަނީ އެމްޓީސީސީ އާއި އެވެ. އެމްޓީސީސީ އިން ވަނީ މަސައްކަތް ކުރުމަށް ބޭނުންވާ މައިގަނޑު ސާމާނުތައް ރަށަށް ގެންގޮސްފައެވެ. އަދި ވަގުތީ އިމާރާތް ތައް ހެދުމުގެ މަސައްކަތް ވަނީ ގާތްގަނޑަކަށް މުޅިން ނިމިފައެވެ. މާވެއްދޫ ހިއްކުމުގެ މަސައްކަތް ކުރުމަށް، ގައްދޫގެ ބިން ހިއްކުމަށް ބޭނުންކުރި ބައެއް އިކުއިޕްމެންޓްސް ތައް ބޭނުންކުރެވޭނެ ކަމަށް މިސައިޓަށް ވަނީ މައުލޫމާތު ލިބިފައެވެ.
މާވެއްދޫ އެއަރޕޯރޓެއްގެ ގޮތުގައި ތަރައްގީވެ ނިމުމުން ގައްދޫ އާއި ކައިރި ރަށްރަށުގެ ތަރައްގީ އަށް ގިނަގުނަ ފައިދާ ތަކެއް ލިބޭނޭކަމަށް ވަރަށް ބޮޑަށް ގަބޫލުކުރެވެއެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ދެކެނީ ކުލަރީތި ހުވަފެން ތަކެވެ.ހަގީގަތަކަށްވުމަށް އެދިއެދި އެވެ.
ރަށާއި އެތައްމޭލެއްގެ ދުރުން އުދުހިލާފައި ދާ މަތިންދާ ޕޯޓުއެވެ. މާވެއްދޫ އެއާޕޯޓުގައި ބޮސްދޭ ތަނެވެ.
މާލޭގެ ބިޒީ ،ވަޒީފާގެ މާހައުލާ ހިދުކޮޅަކަށް ހަފްތާގެ ބަންދަން ނޭވާލުމަށް ރަށުގެ ފަސްގަޑަށް ދެވޭނެ ދުވަހެކެވެ.
މާވެއްދޫ އެއާޕޯޓުގައި ބޮސްދެވޭނެ ތަނެވެ.
އަތޮޅުގެ ރިސޯޓުގެ ހަބެއްގެ ގޮތުގައި މާވެއްދޫ އަކީ ދެވަނަ އެއްނެތް ސްޕޮޓެކެވެ.
ހާދަހާ އުފާވެރި އިހުސާސެކެވެ.
މި އިހުސާސް ހަގީގަތަކަށް ހެދުމަށް އަތާ އަތް ގުޅާލަމާތޯ އެވެ.
ސިޔާސީ ބައިބައި ވުމުގެ ބަދަލުގައި މި ކަންތުގައި ހަގީގީ ކުލަ ޖެހިއްޖެ ނަމަ މި އޮތީ ތަރައްގީ ގެ ސަރާސަރު މަގު ހާމަ އަށް ފެންނާށެވެ.ސަރުކާރާއި ،ހުރިހާ ޕާޓީ ތަކުގެ އާރު ކާޓީން އަތޮޅުގެ ގިނަ ބައެއް ގެ ހުވަފެނު ގައި ކުލަ ޖއްސާލަ ދިނުމަކީ އެދޭ އެންމެ ބޮޑު އެދުމެވެ.
ކުރެވެނީ ފޮނި ފޮނި އިހުސާސެކެވެ.
މާވެއްދޫ ގައި ފުލައިޓުގައި ގޮސް ބޮސްދެވޭ މަންޒަރެވެ.
-ަ.ފހމ
ކޮމެންޓްސް ފުނުއްވާ