ގައްދޫ ގައި ފެނުގައި ގަސްހައްދަން ދަސްކޮށްދޭ ކޯހެއް ފައްޓައިފި
ކޯހުގެ ބައިވެރިން އަމަލީ މަސައްކަތުގައި
ގައްދޫގައި ފެނުގައި ގަސްހައްދަން ދަސްކޮށްދޭ ކޯހެއް ހިނގަމުން އެބަދެއެވެ. މިކޯހަކީ ފިޝަރީޒް މިނިސްޓްރީގެ ފަރާތުން ގައްދޫ އާއި ގަމުގައި ހިންގަން ރާވައިފާ ޕްރޮޖެކްޓް ތަކުގެ ތެރޭގައި ހިމެނޭ ބައެކެވެ. އެއް ހަފްތާ ގެ މުއްދަތަކަށް ހިންގާ މިކޯހުގައި ފެނުގައި ގަސްއިންދުމާއި ބެހޭ ގިނަ މައުލޫމާތު ތަކެއް ލިބިގެންދާނެކަމަށް ކޯހުގައި ކިޔަވައިދެއްވާ ފަރާތް ކަމުގައިވާ އަބޫބަކުރު މުހައްމަދު މި ސައިޓަށް މައުލޫމާތު ދެއްވިއެވެ. މިކޯހުގައި ޖުމްލަ 31 ފަރާތަކުން ވަނީ ބައިވެރިވެފައެވެ. މިކޯހުގެ ބައިވެރިންނަށް ކޯހުން އުގެނުނު މައުލޫމާތް ބޭނުންކޮށްގެން މުސްތަގްބަލް ގައި ގެގޭގައިވެސް ތަފާތު ވައްތަރުގެ ގަސްހެއްދޭނެ ކަމުގައި ބަކުރު ވިދާޅުވިއެވެ. މިމަސައްކަތް ކުރުމަށް ބޭނުންވާ ސާމްޕަލް ތައްޔާރުކުރުމުގެ މަސައްކަތް ގައްދޫ ރަށްވެހިގޭގައި މިހާރުވެސް ކުރިޔަށް އެބަދެއެވެ. ކޯސް ނިމުމުން ސާމްޕަލް ގްރީންހައުސް ހަވާލުކުރާ ގޮތަށް ހަމަޖެހިފައިވަނީ ގައްދޫ އޮފީހާއި އެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ