ގދ.ކާށިދޫ ރެޒޯރޓެއްގެ ގޮތުގުގައި ތަރައްގީ ކުރުމުގެ އަމަލީ މަސައްކަތް ފެށެނީ
ގދ. ކާށިދޫ މަތިން ފެންނަ ގޮތް
މިގޮތުން އިއްޔެ ވަނީ ބެންޗް މަރކް ސަރވޭ އެއް ކޮށްފައި.
ގދ. ކާށިދޫ ރެޒޯރޓެއްގެ ގޮތުގައި ތަރައްގީ ކުރުމުގެ އަމަލީ މަސައްކަތް ގާތްގަނޑަކަށް ނޮވެމްބަރު މަހުގައި ފެއްޓޭވަރުވާނެ ކަމަށް ޚަބަރު ލިބިއްޖެއެވެ. މިގޮތުން އިއްޔެ އެރަށަށްވަނީ ސަރވޭޓީމެއް އައިސް އިމާރާތް ތައް ހުންނަ ތަންތަން ބެންޗްމަރކް ކޮށްފައެވެ. މިރަށަކީ ކާށިދޫ ރެޒޯރޓްސް ގެ ފަރާތުން ތަރައްގީ ކުރާގޮތަށް ހަމަޖެހިފައި އޮތް ރަށެކެވެ. މިރަށުގައި އިމާރާތް ކުރަން ހަމަޖެހިފައިވަނީ ޖުމްލަ 60 އެނދެވެ. އަދި މިއީ 5 ތަރީގެ ފެންވަރަށް ތަރައްގީ ކުރުމަށް ހަމަޖެހިފައިވާ ރަށެއްކަމަށް ވެސް މައުލޫމާތު ލިބެއެވެ. ކާށިދޫ އޮންނަނީ ގައްދޫ އާއި ވަރަށް ކައިރީގައި ކަމުން ރަށްތަރައްގީ ކުރާއިރު ސްޓާފް އެކޮމޮޑޭޝަން ހަމަޖައްސާފައިވަނީ ގައްދޫ އިން ކަމަށްވެއެވެ. މިރަށުގެ މަސައްކަތް 2010 ވަނައަހަރު ނިމި ފަތުރުވެރިންނަށް ހުޅުވާލެވޭތޯ މަސައްކަތް ކުރާނެ ކަމަށްވެސް މިސައިޓަށް ވަނީ މައުލޫމާތު ލިބިފައެވެ. މިރަށުގެ ބޮޑުމިނަކީ ގާތްގަނޑަކަށް 63000 އަކަމީޓަރެވެ.
ރަށްޓެއްސަކަށް އީމެއިލް ކުރުމަށް
ޕްރިންޓް ކުރުމަށް
ހަމަ އެކަނި ޓެކްސްޓް
ކޮމެންޓްސް ފުނުއްވާ