"ޔޫތް ޗެލެންޖް ކަޕް" ގެ ނަމުގައި ގައްދޫގައި ފުޓްބޯޅަ މުބާރާތެއް ބާއްވާ ގޮތަށް ހަމަޖެހިއްޖެ

"ޔޫތް ޗެލެންޖް ކަޕް" ގެނަމުގައި އަންނަ ޑިސެމްބަރ މަހު ގައްދޫގައި ފުޓްބޯޅަ މުބާރާތެއް ބާއްވާގޮތަށް ގައްދޫ ޔޫތު ސޮސައިޓީ ( ކުރީގެ އެކުވެރިންގެ ކާމިޔާބު) ން ނިންމައިފިއެވެ.

މިމުބާރާތަކީ ގައްދޫ ޒުވާނުންނަށް ފުޓްބޯޅައިގެ ހުނަރު ވާދަވެރި މާހައުލެއްގައި ދައްކާލުމުގެ ފުރުސަތު ވޭތުވެދިޔަ އަހަރު ތަކުގައި ލިބިފައި ނުވާތީވެ އެ ފުރުސަތު ތަނަވަސް ކޮށްދިނުމަށްޓަކައި ޔޫތު ސޮސައިޓީން އިންތިޒާމް ކުރާ މުބާރާތެކެވެ. ޗެމްޕިއަން ޓީމަށް 15000ރ. ހުށަހަޅައިފައިވާ މިމުބާރާތް ފަށަން މިހާރު ހަމަޖައްސާފައިވަނީ ޑިސެމްބަރު މަހުގެ 10 ވަނަ ދުވަހުއެވެ.

މިމުބާރާތުގައި ބައިވެރި ވުމުގެ ފުރުސަތު ރަށުގެ ޖަމިއްޔާ ތަކަށާއި މުބާރާތައްޓަކައި އުފައްދާ ޓީމް ތަކަށްވެސް ވަނީ ހުޅުވާލެވިފައެވެ. އަދި މުބާރާތުގައި ބައިވެރިވާން އެދޭ ޓީމްތަކުން އަންނަ އޮގަސްޓް މަހުގެ 15 ވަނަ ދުވަހުގެ ކުރިން ޔޫތު ސޮސައިޓީއަށް އެންގެވުން އެދެމެވެ.މުބާރާތުގައި ބައިވެރިވުމަށް އެދޭ ފޯރމް މާދަމާއިން ފެށިގެން އަދި މުބާރާތުގެ ގަވާއިދު އޮގަސްޓް 20 ވަނަ ދުވަހުން ފެށިގެން ގައްދޫ އޮންލައިނުންނާއި، ޔޫތު ސޮސައިޓީން ލިބެން ހުންނާނެ ވާހަކަ ވެސް ދަންނަވަމެވެ.

އަދި މުބާރާތުގެ ގަވާއިދު ފާސްކޮށް މުބާރާތާއި ގުޅޭ އެނޫންވެސް ބައެއް މުހިއްމު ކަންތައްތައް ނިންމުމަށް މިބާރާތުގެ ބައިވެރިވާން ބޭނުންވާ ޓީމް ތަކާއިއެކު އަންނަ ހުކުރު ދުވަހުގެ ރޭ (އެމް.އީ.އެސް ހޯލުގައި) ޚާއްސަ ބައްދަލުވުމެއް ބާއްވާ ގޮތަށް ވަނީ ނިންމައިފައެވެ. ވީމާ މިބައްދަލުވުމުގައި ބައިވެރިވާން ބޭނުންވާ ފަރާތްތަކުން ޖަމިއްޔާއަށް އެކަން އެންގެވުން އެދެމެވެ.

ޔޫތް ޗެލެންޖް ކަޕުގެ ކަންތައްތައް އިސްވެ ގައްދޫގައި ބަލަހައްޓަވަމުން ދާނީ ޖަމިއްޔާގެ މެމްބަރ އިބްރާހިމް ފުޒޫލް އާއި އިމްރާން ޖައުފަރު އެވެ. އަދި މާލެއިން މިކަމުގެ މައުލޫމާތާއި އެނޫން ކަންތައްތައް ކުރިއަށް ގެންދާނީ ޖަމިއްޔާގެ ވަގުތީ ހިންގާ ކޮމިޓީގެ ފަރާތުން އަހުމަދު ޔާމިން 7773602 އާއި އަބުދުﷲ އަޒްމީން 7943776 އެވެ.